மின்சார கட்டணத்தை அதிகரிப்பது ஏழை, எளிய மக்களின் வாழ்வாதாரத்தை பாதிக்கும் என ராமதாஸ் கூறியுள்ளார்.
தமிழகத்தில் திடீரென மின்சார கட்டணம் அதிகரிக்கப்பட்டுள்ளது. இதை கண்டித்து ராமதாஸ் ஒரு அறிக்கை வெளியிட்டுள்ளார். அதில் மின்சார உற்பத்தி அதிகாரிக்காத போது மின்சார கட்டணத்தை எதற்காக அதிகரிக்கிறீர்கள் என்று கேள்வி எழுப்பியுள்ளார். அதன் பிறகு தமிழக அரசு ஆண்டுதோறும் மின்சார கட்டணத்தை உயர்த்த வேண்டும் என்று முடிவு எடுத்திருப்பது ஏழை எளிய மக்களின் வாழ்வாதாரத்தை பெரும் அளவு பாதிக்கும்.
தமிழக மின்சாரம் வாரியமானது ஆண்டுக்கு 6 சதவீதம் அளவிற்கு மின்சார கட்டணத்தை உயர்த்துவதற்கு ஒழுங்குமுறை ஆணையத்திடம் அனுமதி கேட்டிருப்பது மக்களிடையே மிகப்பெரிய அதிர்ச்சியை ஏற்படுத்தியுள்ளது.
தமிழ்நாட்டில் வசிக்கும் 90 சதவீத மக்களின் ஆண்டு வருமானம் மற்றும் மின்சார உற்பத்தி செலவு வருடத்திற்கு 6 சதவீதம் கூட உயராத போது கட்டணத்தை மட்டும் 6 சதவீதம் அளவுக்கு உயர்த்த வேண்டும் என நினைப்பது எந்த விதத்தில் நியாயமாகும். மின்சாரத்துறை ஒரு கார்ப்ரேட் நிறுவனம் கிடையாது. எனவே மின் கட்டணத்தை உயர்த்த வேண்டும் என்ற அரசின் எண்ணத்தை உடனடியாக கைவிட வேண்டும் என கூறியுள்ளார்.