புதுச்சேரி காவலர் பயிற்சி பள்ளியில் 29 பேருக்கு தொற்று பாதிப்பு ஏற்பட்டு இருப்பது கண்டறியப்பட்டுள்ளது.
புதுவையில் கொரோனா தொற்று பாதிப்பு தொடர்ந்து குறைந்து வருகின்றது. தடுப்பூசி மற்றும் பூஸ்டர் தடுப்பூசியை பொதுமக்கள் அதிகளவில் போட்டு வருகின்றன . இதனிடையே புதுவை காவலர் பயிற்சி பள்ளியில் 100க்கும் மேற்பட்ட பயிற்சி போலீசாருக்கு தொற்று பாதிப்பு ஏற்பட்டுள்ளதாக சமூக வலைதளங்களில் தகவல் பரவியது. இந்நிலையில் அங்குள்ள பயிற்சி போலீசார் 29 பேருக்கு தொற்று பாதிப்பு ஏற்பட்டுள்ளது உறுதியாகி உள்ளது.
இது தொடர்பாக சுகாதாரத்துறை இயக்குனர் டாக்டர் ஸ்ரீ ராமுலு வெளியிட்டுள்ள தகவலில் கடந்த மாதம் 31ஆம் தேதி ஆறு பேர் பாதிக்கப்பட்ட நிலையில் இன்று ஒரே நாளில் 22 பேர் பாதிக்கப்பட்டுள்ளனர். காவலர் பயிற்சி பள்ளியில் 29 பேர் ஒட்டுமொத்தமாக பாதிக்கப்பட்டுள்ளது பயிற்சி போலீசார் மத்தியில் பெரும் அதிர்ச்சியை ஏற்படுத்தியுள்ளது. மேலும் பயிற்சி காவலர்கள் சிலருக்கு தொற்று பாதிக்கப்பட்டிருக்கும் வாய்ப்பு இருப்பதால் கண்காணிப்பும் தீவிர படுத்தப்பட்டுள்ளது.