தமிழ் சினிமாவில் முன்னணி நடிகராக வலம் வருபவர் சூர்யா. இவர் தற்போது பாலா இயக்கத்தில் ‘வணங்கான்’ படத்தில் நடித்து வருகிறார். சூர்யாவுக்கு ஜோடியாக கீர்த்தி ஷெட்டி கதாநாயகியாக நடிக்கிறார். இப்படத்திற்கு ஜிவி பிரகாஷ் இசையமைத்து 2டி என்டர்டைன்மென்ட் நிறுவனம் தயாரிக்கிறது. அதனைத் தொடர்ந்து வெற்றிமாறன் இயக்கத்தில் எஸ். தானு தயாரிப்பில் உருவாகும் ‘வாடிவாசல்’ திரைப்படத்தில் சூரியா நடிக்கவுள்ளார். சமீபத்தில் சூர்யாவின் பிறந்தநாள் அன்று படத்திற்காக தன்னை தயார் படுத்திக் கொள்ள, மாடுபிடி வீரர்களுடன் சூர்யா பயிற்சி மேற்கொள்ளும் வீடியோவை படக்குழு வெளியிட்டது.
இந்த வீடியோ ரசிகர்கள் மத்தியில் நல்ல வரவேற்பை பெற்றது. இந்நிலையில் சூர்யாவின் அடுத்த படம் பற்றிய தகவல் வெளியாகியுள்ளது. அதன்படி பிரபல இந்தி இயக்குனர் ஃபரூக் கபிர் இயக்கத்தில் சூரியா நடிக்க உள்ளதாக கூறப்படுகிறது. இது குறித்து சூர்யாவிடம் படக்குழு பேச்சுவார்த்தை நடத்தி வருவதாகவும் தகவல் வெளியாகி உள்ளது.