75-ஆவது சுதந்திர தினத்தை முன்னிட்டு அறியப்படாத சுதந்திரப் போராட்ட வீரர்களை நினைவு கூறும் வகையில் கண்காட்சி நடைபெற்றுள்ளது.
தூத்துக்குடி மாவட்டத்தில் உள்ள தருவைகுளம் பகுதியில் இருக்கும் அரசு மேல்நிலைப் பள்ளியில் 75-ஆவது சுதந்திர தினத்தை முன்னிட்டு அறியப்படாத சுதந்திரப் போராட்ட வீரர்களை நினைவு கூறும் வகையிலான கண்காட்சி நடைபெற்றுள்ளது. இதில் மாணவ-மாணவிகள் தேசிய கொடியை கையில் ஏந்தியபடி 75 என அணிவகுப்பில் நின்றுள்ளனர். அதன்பின் மீன்வளக் கல்லூரி மற்றும் ஆராய்ச்சி நிலையம் சார்பாக இந்தியாவின் அறியப்படாத சுதந்திரப் போராட்ட வீரர்கள் தொடர்பான விழிப்புணர்வு நிகழ்ச்சி நடைபெற்றுள்ளது.
இந்நிகழ்ச்சியில் அறியப்படாத சுதந்திரப் போராட்ட வீரர்கள் 8 பேரின் புகைப்படம் மாணவ-மாணவிகளின் பார்வைக்கு வைக்கப்பட்டுள்ளது. இதனைத் தொடர்ந்து கையில் தேசிய கொடி ஏந்தியபடி மாணவ-மாணவிகள் 75 என்ற அடையாளத்துடன் அணிவகுத்து நின்றுள்ளனர். பின்னர் இந்நிகழ்ச்சியில் பேச்சுப் போட்டியில் வெற்றி பெற்ற மாணவ-மாணவிகளுக்கு மீன்வள கல்லூரி முதல்வர் இரா. சாந்தகுமார் பரிசு சான்றிதழ்களை வழங்கியுள்ளார். மேலும் இதற்கான ஏற்பாடுகளை பேராசிரியர் சா. ஆதித்தன் செய்துள்ளார்.