பாகிஸ்தானில் வருகிற 14-ம் தேதி சுதந்திர தினம் கொண்டாடப்பட உள்ளது. இதனை முன்னிட்டு பலூசிஸ்தான் மாகாணத்தின் தலைநகர் குவெட்டாவில் தேசிய கொடிகள் மற்றும் பிற அலங்கார பொருட்களை விற்பனை செய்யும் கடைகள் போட்டு உள்ளனர். இந்நிலையில் நேற்று முன்தின இரவு குவெட்டா நகரில் தேசிய கொடிகள் விற்கும் கடை ஒன்றில் மக்கள் தேசிய கொடியை வாங்கிக் கொண்டிருந்தனர்.
அப்போது அங்கு மோட்டார் சைக்கிளில் வந்த மர்ம நபர்கள் அந்த கடையின் மீது கையெறிக் குண்டை வீசிவிட்டு தப்பிச் சென்றனர். இந்த கையெறி குண்டு பயங்கர சத்தத்துடன் வெடித்து சிதறியது. இதில் ஒருவர் சம்பவ இடத்திலே உடல் சிதறி உயிரிழந்தார். மேலும் 14 பேர் படுகாயம் அடைந்தடைந்தனர். இந்த தாக்குதலுக்கு உடனடியாக எந்த ஒரு பயங்கரவாத அமைப்பு பொறுப்பேற்கவில்லை.