காங்கயம் அருகே பேருந்து மீது கார் மோதிய விபத்தில் காரில் பயணித்த 6 பேரில் 5 பேர் உயிரிழந்துள்ளனர்.
தாராபுரத்தில் இருந்து கோவை நோக்கி சென்று கொண்டிருந்த கார் திடீரென கட்டுப்பாட்டை இழந்து சென்ற 3 தேதி 3.45 மணியளவில் சாலையில் உள்ள மைய தடுப்பில் மோதி பின் எதிரே வந்த பஸ் மீது பயங்கரமாக மோதியது. இந்த விபத்தில் காரில் பயணித்த வீரக்குமார், முருகேசன், மகேஷ் குமார், வெற்றிச்செல்வம் உள்ளிட்ட நான்கு பேர் பரிதாபமாக உயிரிழந்தார்கள்.
சாஜித்குமார் மற்றும் கிஷோர் குமார் படுகாயங்களுடன் உயிருக்கு போராடிக் கொண்டிருந்த நிலையில் அவர்களை மீட்டு தனியார் மருத்துவமனையில் சிகிச்சைக்காக அனுமதித்தார்கள். அவர்களுக்கு அங்கு தீவிர சிகிச்சை அளிக்கப்பட்ட நிலையில் சாஜித் குமார் அன்று இரவு 10.30 மணி அளவில் உயிரிழந்தார். தற்பொழுது கிஷோர் குமாருக்கு மட்டும் சிகிச்சையளிக்கப்பட்டு வருகிறது. காங்கேயம் அருகே பஸ் மீது கார் மோதிய விபத்தில் காரில் பயணித்த 6 பேரில் 5 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியிருக்கின்றது.