கொரோனா வைரசுக்கு மருந்து கண்டுபிடிப்பவருக்கு 1 கோடி ரூபாய் பரிசளிக்க உள்ளதாக நடிகர் ஜாக்கிசான் அறிவித்துள்ளார்.
உலகையே அச்சுறுத்தி வரும் கொரானா வைரஸ் தாக்கத்தினால் இதுவரை சீனாவில் 906 பேர் மற்றும் பிற நாடுகளில் 2 பேர் என மொத்தம் 908 பேர் உயிரிழந்துள்ளனர். மேலும் 40,000-த்திற்கும் மேற்பட்டோர் பாதிக்கப்பட்டு சிகிச்சை பெற்று வருகின்றனர்.
இந்த கொரானா வைரசுக்கு எப்படியாவது மருந்து கண்டுபிடிக்க வேண்டும் என ஆராய்ச்சிகள் பல்வேறு நாடுகளில் நடைபெற்று கொண்டு தான் வருகிறது. ஆனால் இதுவரையில் யாரும் கண்டுபிடிக்கவில்லை. இந்த நிலையில் ஹாங்காங் நாட்டைச் சேர்ந்தவரும், நடிகருமான ஜாக்கிஜான் ஒரு மெகா அறிவிப்பை வெளியிட்டுள்ளார்.
அதாவது இந்த கொடூர வைரசை தோற்கடிப்பதற்கு விஞ்ஞானமும் தொழில்நுட்பமும் முக்கியம் என்பதை தன்னைப் போன்று பலரும் நம்புவதாக குறிப்பிட்டுள்ள அவர், தனி நபராகவோ அல்லது ஒரு அமைப்பாகவோ சேர்ந்து கொரோனா வைரசுக்கு மருந்து கண்டுபிடித்தால் அவர்களுக்கு ஒரு கோடி ரூபாய் அளிக்க உள்ளதாக தெரிவித்துள்ளார். முதலில் யார் கொரோனாவுக்கு மருந்து கண்டுபிடித்து 1 கோடி வாங்கப்போகிறார்கள் என்பதை பொறுத்திருந்து பார்ப்போம்.