கோயம்புத்தூர் மாவட்டத்தில் மாற்றுத்திறனாளிகளை ஊக்குவிக்கும் விதமாக அம்மா சாரிட்டபிள் டிரஸ்ட் சார்பாக பல்வேறு நிகழ்ச்சிகள் தொடர்ந்து நடத்திக் கொண்டிருக்கின்றனர். இந்த நிலையில் கோவை தனியார் கல்லூரி மைதானத்தில் வைத்து மாற்றுத்திறனாளிகளுக்கான பேஷன் ஷோ நடைபெற்றுள்ளது. மேலும் பல்வேறு துறைகளில் சாதித்த மாற்றுத்திறனாளிகளுக்கு விருதுகள் வழங்கும் விழாவும் நடைபெற்றுள்ளது. அதில் பிரபல நடிகர் பிரதீப் ஜோஸ் மற்றும் சர்வதேச திருமதி அழகி பட்டம் என்ற சோனாலி பிரதீப் போன்றோர் கலந்து கொண்டனர்.
அவர்கள் மாற்றுத்திறனாளிகளுடன் மேடையில் ஒய்யார நடை நடந்து அசத்தியுள்ளனர். மேலும் மாற்றுத்திறனாளிகளுக்கு என நடைபெற்ற இந்த பேஷன் ஷோ பார்வையாளர்களை வெகுவாக கவர்ந்தது. அதில் தேசிய மற்றும் பாரா ஒலிம்பிக் போட்டிகளில் சாதித்த மாற்று திறனாளி விளையாட்டு வீரர்கள் பங்கேற்றுள்ளனர். அவர்கள் பிரபல மாடல் அழகிகளுடன் ராம் வாக் மற்றும் வீல் வாக் செய்து அசத்தியுள்ளனர். மாற்றுத்திறனாளி வீரர்கள் மேடையில் தோன்றியது அங்கிருந்து பார்வையாளர்களை ரசிக்க செய்தது குறிப்பிடத்தக்கதாகும்.