அடுக்குமாடி குடியிருப்பில் பற்றி எறிந்த தீயை 1 மணி நேர போராட்டத்திற்கு பிறகு தீயணைப்பு வீரர்கள் அணைத்தனர்.
சென்னை மாவட்டத்தில் உள்ள அண்ணாநகர் 2-வது மெயின் ரோட்டில் அடுக்குமாடி குடியிருப்பு அமைந்துள்ளது. இந்த குடியிருப்பில் 40-க்கும் மேற்பட்ட குடும்பத்தினர் வசித்து வருகின்றனர். நேற்று முன்தினம் அடுக்குமாடி குடியிருப்பில் 4-வது தளத்தில் வசிக்கும் ஈஷா என்பவரது வீட்டில் உள்ள ஸ்விட்ச் போர்டில் மின்கசிவு காரணமாக தீ விபத்து ஏற்பட்டது. சிறிது நேரத்தில் தீ வீடு முழுவதும் வேகமாக பரவியது.
இதனால் ஈஷாவின் குடும்பத்தினரும், அடுக்குமாடி குடியிருப்பில் வசிப்பவர்களும் அலறியடித்து கொண்டு வெளியே ஓடி வந்தனர். இதுகுறித்து அறிந்த தீயணைப்பு வீரர்கள் சம்பவ இடத்திற்கு விரைந்து சென்று ஒரு மணி நேர போராட்டத்திற்கு பிறகு வீடுகளில் பற்றி எரிந்த தீயை அணைத்தனர். இந்த தீ விபத்தில் ஈஷா வீட்டில் இருந்த அனைத்து பொருட்களும் எரிந்து நாசமானது. இதுகுறித்து அண்ணா நகர் போலீசார் வழக்கு பதிந்து விசாரணை நடத்தி வருகின்றனர்.