“குற்றாலத்தில் குவிந்த சுற்றுலா பயணிகள்”…. நீண்ட வரிசையில் நின்று குளித்த சுற்றுலா பயணிகள்…!!!!!

குற்றாலத்தில் அருவிகளில் குளிக்க சுற்றுலா பயணிகள் நீண்ட வரிசையில் நின்று குளித்தனர்.

தென்காசி மாவட்டத்தில் உள்ள குற்றாலத்தில் ஜூன், ஜூலை, ஆகஸ்ட் மாதங்களில் சீசன் இருக்கும். தற்பொழுது சீசன் நன்றாக இருக்கின்றது. அவ்வபோது சாரல் மழை விட்டு விட்டு பெய்து வருகின்றது. மேலும் குளிர்ந்த காற்று வீசுகின்றது. ஐந்தருவி, மெயின் அருவி, பழைய குற்றாலம், புலியருவி, சிற்றருவி உள்ளிட்ட அனைத்து அருவிகளிலும் தண்ணீர் கொட்டுகின்றது.

நேற்று விடுமுறை நாள் என்பதால் ஏராளமான சுற்றுலா பயணிகள் குற்றாலத்திற்கு குவிந்தனர். மேலும் அருவிகளில் குளித்து மகிழ்ந்தார்கள். நேற்றுமுன் தினம் சாரல் மழை பெய்ததால் நேற்று காலையில் நீர்வரத்தானது அதிகரித்தது. மெயின் அருவியில் நேற்று காலை திடீரென வெள்ளப்பெருக்கு ஏற்பட்டது. இதனால் போலீசார் சுற்றுலா பயணிகளுக்கு குளிக்க தடை விதித்தார்கள். சுமார் பத்து நிமிடத்திற்கு பிறகு மீண்டும் சுற்றுலா பயணிகள் குளிக்க போலீசார் அனுமதித்தார்கள்.