அமெரிக்க அதிபர் டொனால்ட் ட்ரம்ப் வருகிற 24 மற்றும் 25 ம் தேதிகளில் இந்தியாவில் சுற்றுப்பயணம் மேற்கொள்ள உள்ளதாக அதிகாரப்பூர்வமாக அறிவிக்கப்பட்டுள்ளது.
இதுதொடர்பாக அமெரிக்க அதிபர் மாளிகை தனது ட்விட்டர் பக்கத்தில் பதிவிட்டுள்ள செய்தியில், அமெரிக்க அதிபர் டொனால்டுட்ரம்ப் வரும் 24 மற்றும் 25 தேதிகளில் இந்தியாவில் சுற்றுப்பயணம் மேற்கொள்ள உள்ளதாக தெரிவிக்கப்பட்டுள்ளது.
இந்த சுற்றுப்பயணத்தின்போது குடியரசுத் தலைவர் ராம்நாத் கோவிந்த், பிரதமர் நரேந்திர மோடி ஆகியோர் சந்திக்கிறார்.
அப்போது இரு நாட்டு உறவை மேலும் வலுப்படுத்துதல், ராணுவ ஆயுத கொள்முதல், பாதுகாப்பு உள்ளிட்ட துறைகளில் முக்கிய ஒப்பந்தங்கள் கையெழுத்தாகும் என எதிர்பார்க்கப்படுகிறது.
ஆமதாபாத்தில் உள்ள சபர்மதி ஆசிரமத்தை அவர் சுற்றி பார்க்க உள்ளார். மேலும் அங்கு ஏற்பாடு செய்யப்பட்டுள்ள பிரமாண்ட கூட்டத்தில் பங்கேற்று டொனால்ட் ட்ரம்ப் பேசுகிறார்.
டொனால்டு ட்ரம்ப் மற்றும் அவரது மனைவி மேலெனியா ட்ரம்ப் இந்திய சுற்றுப்பயணத்தில் பங்கேற்க உள்ளார், என்பது குறிப்பிடத்தக்கது.