கேரளாவில் ஓணம் பண்டிகையை முன்னிட்டு சேலம் வழியாக கேரளாவுக்கு சிறப்பு ரயில்கள் இயக்கப்படுவதாக அறிவிக்கப்பட்டுள்ளது. அதன்படி எர்ணாகுளம்- சென்னை சென்டிரல் சிறப்பு ரயில் (வண்டி எண் 06046) அடுத்த மாதம் (செப்டம்பர்) 1-ந் தேதியும், மறு மார்க்கத்தில் சென்னை சென்டிரல்- எர்ணாகுளம் சிறப்பு ரயில் (06045) வருகிற 2-ந் தேதியும், மேலும் தாம்பரம் -மங்களூர் சிறப்பு ரயில் (06041) வருகிற 2-ந் தேதியும், மங்களூர்- தாம்பரம் சிறப்பு ரயில் (06042) வருகிற 3-ந் தேதியும், தாம்பரம் -கொச்சுவேலி சிறப்பு ரயில் (06043) வருகிற 4-ந் தேதியும், கொச்சுவேலி- தாம்பரம் சிறப்பு ரயில் (06044) வருகிற 5-ந் தேதியும் இயக்கப்படுகிறது.
மேலும் நாகர்கோவில் -சென்னை எழும்பூர் சிறப்பு ரயில் (06048) அடுத்த மாதம் (செப்டம்பர்) 11-ந் தேதி நாகர்கோவில் ரெயில் நிலையத்திலிருந்து மாலை 5.50 மணிக்கு புறப்பட்டு திருவனந்தபுரம், கொல்லம், கோட்டையம், எர்ணாகுளம், பாலக்காடு, கோவை, திருப்பூர், ஈரோடு, சேலம், காட்பாடி, பெரம்பூர் வழியாக மறுநாள் மதியம் 12.30 மணிக்கு சென்னை எழும்பூர் சென்றடையும் என தெற்கு ரயில்வே அறிவித்துள்ளது.