உலகில்வாழ மோசமான நகரங்கள் பட்டியல் பற்றி பொருளாதார புலனாய்வு பிரிவு எனும் அமைப்பு நடப்பு ஆண்டில் நடத்திய ஆய்வு முடிவுகள் வெளியாகி இருக்கிறது. அப்பட்டியிலில் பாகிஸ்தான் நாட்டின் கராச்சிநகரம் இடம்பிடித்திருக்கிறது. உள் கட்டமைப்பு, சுகாதாரப் பாதுகாப்பு, கல்வி, கலாச்சாரம் மற்றும் பொழுதுபோக்கு ஆகிய 5 காரணிகளின் அடிப்படையில் 172 நகரங்களில் இந்த ஆய்வு மேற்கொள்ளப்பட்டு இருக்கிறது. இவற்றில் மோசமான வாழ்க்கை நிலை, திருட்டு, கடத்தல், போதைப்பொருள், வன்முறை, மோசமான சமூகம் மற்றும் பொருளாதாரநிலை போன்றவற்றின் அடிப்படையில் உலகளவில் மிக மோசமான நகரங்கள் பட்டியலில் கராச்சி இடம்பிடித்திருக்கிறது.
இதற்கிடையில் குறைந்து வரும் அந்நிய செலாவணி கையிருப்பு மற்றும் அதிகரித்து வரும் பணவீக்கம் போன்றவற்றால் பாகிஸ்தான் பொருளாதார சரிவின் விளிம்பில் உள்ளதாகவும் அந்த ஆய்வில் தெரிவிக்கப்பட்டு உள்ளது. உலகில் வாழக்கூடிய நகரங்கள் பெரும்பாலும் ஐரோப்பா மற்றும் கனடாவில் இருக்கிறது. நல்ல உள் கட்டமைப்பு மற்றும் ஸ்திரத்தன்மை வாழ்க்கையின் அடிப்படையில் உலகில் வாழ்வதற்கான முதல் 10 இடங்களின் பட்டியலில் ஆஸ்திரியாவின் தலை நகர் வியன்னா முதலிடத்தைப் பிடித்துள்ளது குறிப்பிடத்தக்கது.