பாதயாத்திரை சென்ற பெண் வாகனம் மோதி உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்திலுள்ள சாத்தூர் அருகே இருக்கும் இருக்கன்குடி மாரியம்மன் கோவிலில் ஆடி வெள்ளி திருவிழா நடைபெற்று கொண்டிருக்கிறது. இந்நிலையில் கயத்தார் பகுதியைச் சேர்ந்த ஏராளமான பெண்கள் மாரியம்மன் கோவிலுக்கு பாதயாத்திரையாக சென்றுள்ளனர். இதனை எடுத்து தோட்டிலோவன்பட்டி விலக்கு அருகே சென்றபோது மதுரை நோக்கி வேகமாக சென்ற அடையாளம் தெரியாத வாகனம் பாதயாத்திரையாக சென்ற சரஸ்வதி என்பவர் மீது மோதியது.
இதனால் படுகாயமடைந்த சரஸ்வதி சம்பவ இடத்திலேயே பரிதாபமாக உயிரிழந்தார். இதுகுறித்து அறிந்த போலீசார் சம்பவ இடத்திற்கு விரைந்து சென்று சரஸ்வதியின் உடலை மீட்டு சாத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த விபத்து குறித்து வழக்கு பதிவு செய்த போலீசார் விசாரணை மேற்கொண்டு வருகின்றனர்.