தமிழகத்தில் 12 ஆம் வகுப்பு முடித்த ஆதிதிராவிடர் மற்றும் பழங்குடியின மாணவர்களுக்கு தொழில் பாதை திட்டம் அறிமுகப்படுத்தப்பட்டுள்ளதாக தமிழக அரசு தெரிவித்துள்ளது. உலகில் முதல் இளங்கலை தரவு அறிவியல் பட்டப்படிப்பு திட்டத்தை சென்னை ஐஐடி தற்போது தொடங்கியுள்ளது. பன்னிரண்டாம் வகுப்பு அல்லது அதற்கு இணையான பட்டப்படிப்பு முடித்த மாணவர்கள் அனைவரும் இதற்கு விண்ணப்பித்து நான்கு ஆண்டு பட்டப்படிப்பு பயிலலாம் எனவும் தெரிவித்துள்ளது.
இதற்கு விண்ணப்பிக்க வருகின்ற ஆகஸ்ட் 21ஆம் தேதி கடைசி நாள்.இந்தத் திட்டத்தில் சேர்த்து படிப்பதற்கு ஐஐடி சென்னை மூலம் நடத்தப்படும் நுழைவுத் தேர்வில் பங்கு பெற வேண்டிய அவசியம் இல்லை.படிப்பில் சேருவதற்கான தகுதிகள் உள்ளிட்ட பிற விவரங்களை இணையத்தின் மூலமாக தெரிந்து கொள்ளலாம் என அரசு தெரிவித்துள்ளது.