ஆர்யா நடிப்பில் உருவாகி வரும் கேப்டன் திரைப்படத்தின் அப்டேட் வெளியாகியுள்ளது.
தமிழ் சினிமாவில் முன்னணி நடிகராக வலம் வருபவர் ஆர்யா. இவர் காமெடி நடிகராகவும் படங்கள் நடித்து வருகிறார். இவர் தனக்கென்று தனி ரசிகர் பட்டாளத்தையை உருவாக்கியுள்ளார். தற்போது ஆர்யா கேப்டன் என்ற படத்தில் நடித்து வருகிறார். இந்தத் திரைப்படத்தில் ஆர்யா-சக்தி சௌந்தர்ராஜன் ஜோடி மீண்டும் இணைந்துள்ளது. இப்படத்தில் சிம்ரன், ஐஸ்வர்யா லட்சுமி, ஹரி உத்தமன், காவியா ஷெட்டி ஆகியோர் நடிக்கின்றனர்.
கேப்டன் திரைப்படத்தை திங்ஸ் ஸ்டூடியோஸ் நிறுவனம், நடிகர் ஆர்யாவின் தி ஷோ பிபுள் நிறுவனத்துடன் இணைந்து தயாரிக்கின்றது. இப்படத்தின் தமிழக வெளியீடு உரிமை ரெட் ஏஜென்ட் மூவிஸ் நிறுவனம் பெற்று உள்ளது. தற்பொழுது இத்திரைப்படத்தின் இறுதி கட்ட பணிகள் நடந்து வருகின்றது.
இந்த நிலையில் இத்திரைப்படம் குறித்த அப்டேட் வெளியாகியுள்ளது. ஆக்சன் திரில்லர் திரைப்படமாக உருவாகி வரும் இப்படத்தில் கம்ப்யூட்டர் கிராபிக்ஸ் வேலைகள் இடம்பெற்று இருக்கின்றது. கிராபிக்ஸ் பணிகளை பெரும்பாலும் இயக்குனர்கள் ஹாலிவுட் டெக்னிஷியன்களிடம் ஒப்படைப்பார்கள். ஆனால் இயக்குனர் சக்தி கோலிவுட்டில் இருக்கும் டெக்னிஷியன்களுக்கே முன்னுரிமை அளித்து அவர்களிடம் ஒப்படைக்க திட்டமிட்டு இருக்கின்றாராம்.