திருச்சி வழியாக திருவிழாக்களை முன்னிட்டு சிறப்பு ரயில்கள் இயக்கப்படுகின்றது.
வேளாங்கண்ணி திருவிழா மற்றும் ஓணம் பண்டிகையொட்டி வருகின்ற 15ஆம் தேதி முதல் திருவனந்தபுரம்-எர்ணாகுளம் இடையே சிறப்பு ரயில்கள் இயக்கப்படும் என தெற்கு ரயில்வே அறிவித்திருக்கின்றது. இந்த சிறப்பு ரயில் நான்கு நாட்களுக்கு இயக்கப்படும்.
இந்த ரயில் திருவனந்தபுரம் சென்ட்ரலில் இருந்து வருகின்ற 17, 24, 31ஆம் தேதி மற்றும் அடுத்த மாதம் செப்டம்பர் 7ஆம் தேதி உள்ளிட்ட தேதிகளில் பிற்பகல் 3.25 மணிக்கு புறப்பட்டு மறுநாள் காலை 4 மணிக்கு வேளாங்கண்ணி சென்றடையும்.
இதையடுத்து இந்த ரயில் வருகின்ற 18 , 25 ஆம் தேதி மற்றும் அடுத்த மாதம் செப்டம்பர் 1ஆம் தேதி மற்றும் 8-ம் தேதி இரவு 11.50 மணிக்கு புறப்பட்டு மறுநாள் மதியம் 1 மணிக்கு திருவனந்தபுரம் சென்ட்ரலை சென்றடையும். இந்த ரயில் நாகர்கோவில் டவுன், திருநெல்வேலி, விருதுநகர், மதுரை, திண்டுக்கல், திருச்சி, தஞ்சாவூர், திருவாரூர், நாகப்பட்டினம் உள்ளிட்ட இடங்களில் நின்று செல்லும்.