கால்நடை மருத்துவத் துறை தேர்வு: சென்னை தவிர்த்து 6 மையங்களில் ரத்து – டிஎன்பிஎஸ்சி திடீர் உத்தரவு..!

முடிவுக்கு வராமல் மேலும் தொடர்ந்து வெளியாகும் தேர்வு முறைகேடுகளால் சென்னையை தவிர்த்து 6 மையங்களை ரத்து செய்து டிஎன்பிஎஸ்சி உத்தரவிட்டுள்ளது.

கால்நடை மருத்துவத் துறையில்காலியாக உள்ள 1114 உதவி அறுவை சிகிச்சை நிபுணர்கள்  பணிகள் நிரப்பப்பட உள்ளனர். இதற்கான எழுத்து தேர்வு வரும் 23ம் தேதி , சென்னை, தஞ்சாவூர், கோவை, திருச்சி, திருநெல்வேலி உட்பட 7 மாவட்டங்களில் நடைபெறும் என்று ஏற்கனவே அறிவிக்கப்பட்டிருந்தது .

இந்த நிலையில், டிஎன்பிஎஸ்சி நிர்வாகம் திடீரென அறிவிப்பு ஒன்றை  இன்று வெளியிட்டது  அதில் , சென்னை தவிர்த்து மற்ற ஆறு மாவட்டங்களுக்கான தேர்வு மையங்களை ரத்து செய்து இருப்பதாக அறிவித்துள்ளது. இந்த தேர்வு முழுவதும் சென்னையில் மட்டுமே நடைபெறும் என்றும் டிஎன்பிஎஸ்சி அறிவித்துள்ளது.

கடைசி நேரத்தில் எடுக்கப்பட்டுள்ள இந்த திடீர் முடிவு குறித்து, தேர்வு எழுதுபவர்களுக்கு குறுஞ்செய்தி மூலமாகவும், மின்னஞ்சல் மூலமாகவும் தெரிவிக்கப்படும்  என்றும் டிஎன்பிஎஸ்சி அறிவித்துள்ளது.