நடிகர் விஜய் தேவரகொண்டா மற்றும் அனன்யா பாண்டேவின் புகைப்படங்கள் இணையத்தில் வைரலாகி வருகிறது.
தெலுங்கு சினிமாவில் முன்னணி நடிகராக வலம் வரும் விஜய் தேவரகொண்டா லைகர் என்ற திரைப்படத்தில் நடித்துள்ளார். இந்தப் படத்தில் அனன்யா பாண்டே ஹீரோயின் ஆக நடிக்க, மைக் டைசன் முக்கிய கதாபாத்திரத்தில் நடித்துள்ளார். இந்தப் படத்தின் டிரைலர் சமீபத்தில் வெளியாகி ரசிகர்களிடையே நல்ல வரவேற்பை பெற்ற நிலையில், ஆகஸ்ட் 25-ஆம் தேதி திரையரங்குகளில் லைகர் படம் ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது.
இந்நிலையில் படம் விரைவில் ரிலீசாக இருப்பதால் படத்தின் ஹீரோ மற்றும் ஹீரோயின் பல இடங்களுக்கு சென்று வருகிறார்கள். அந்த வகையில் பஞ்சாபில் நடந்த ப்ரமோஷன் நிகழ்ச்சியில் விஜய் தேவரகொண்டாவும், அனன்யா பாண்டாவும் எடுத்துக்கொண்ட புகைப்படங்கள் தற்போது இணையத்தில் வெளியாகி வைரலாகி வருகிறது.
