“மகாலட்சுமி அம்மன் கோயில் திருவிழா”… அருந்ததி படம் பாணியில் பக்தர்கள் நேர்த்திக்கடன் ….!!!!!

திண்டுக்கல் மாவட்டம் சின்னாளப்பட்டி அருகேயுள்ள நரசிங்கபுரம் மகாலட்சுமியம்மன் கோயில் திருவிழாவை முன்னிட்டு பக்தர்களின் தலையில் தேங்காய்உடைத்து நேர்த்திக் கடன் செலுத்தும் நிகழ்ச்சியானது நடைபெற்றது. முன்பாக காப்புகட்டி விரதம் இருந்த பெண்கள் வலையபட்டியிலிருந்து சேர்வை ஆட்டம், வாணவேடிக்கையுடன் முளைப்பாரி எடுத்து ஊர்வலமாக வந்தனர். இதையடுத்து அம்மனுக்கு சிறப்பு அலங்காரம், பூஜை நடந்தது.

அதன்பின் நேர்த்திக்கடன் செலுத்தவந்த பெண்கள், ஆண்கள் என 50 பேர் கோயில் முன் வரிசையாக அமர்ந்தனர். அதனை தொடர்ந்து கோவில் பூசாரி தேங்காய்களை வைத்து பூஜைசெய்து, அதனை பக்தர்கள் தலையில் உடைத்தார். இந்நிலையில் அங்கு கூடியிருந்த பக்தர்கள் கோவிந்தா!.. கோவிந்தா!.. என பக்தி பரவசத்தில் கோஷம் எழுப்பினர். அதனை தொடர்ந்து முள் ஆணி கொண்ட செருப்பை அணிந்துகொண்டு பூசாரி கோயிலை சுற்றி வலம்வந்து சக்தி கரகம் இறக்கினார். இந்த திருவிழாவில் நரசிங்கபுரம் பகுதியை சேர்ந்த பக்தர்கள் பலர் பங்கேற்று சுவாமி தரிசனம் செய்தனர்.