நடிகர் விஜய்க்கு வருமானவரித்துறை விதித்த 1.5 கோடி அபராததுக்கு சென்னை உயர்நீதிமன்றம் இடைக்கால தடை விதித்துள்ளது.
புலி படத்திற்காக விஜய் வாங்கிய சம்பளத்தில் இருந்து 15 கோடியை மறைத்து விட்டதாக கூறி வருமானவரித்துறையினர் அவருக்கு 1.5 கோடி அபராதம் விதித்தனர். இதற்கு விஜய் தரப்பில் இருந்து வழக்கு தொடரப்பட்டது. இந்த வழக்கு விசாரணை செய்யப்பட்டதில் விஜய்க்கு வருமானவரித்துறை விதித்த 1.5 கோடி அபராதத்திற்கு சென்னை உயர் நீதிமன்றம் இடைக்கால தடை விதித்துள்ளது.
மேலும் இந்த விவகாரம் தொடர்பாக வருமானவரித்துறை வரும் செப்டம்பர் 16க்குள் பதில் அளிக்க வேண்டும் என்று நீதிமன்றம் நோட்டீஸ் அனுப்பி உள்ளது. 2016 – 17ஆம் ஆண்டில் 15 கோடி வருமானத்தை விஜய் மறைத்துள்ளார் என்று வருமானவரித்துறையினர் குற்றம் சாட்டியிருந்தனர். மேலும் நடிகர் விஜய்க்கு 1.5 கோடி ரூபாய் அபராதம் விதித்து வருமானவரித்துறையினர் 2022 ஜூன் 30 உத்தரவிட்டனர் என்பது குறிப்பிடத்தக்கது.