சங்கர் இயக்கத்தில் கமல் நடிக்கும் இந்தியன் 2 திரைப்படத்தின் படப்பிடிப்பு மீண்டும் எப்போது தொடங்குகின்றது என செய்தி வெளியாகியுள்ளது.
தமிழ் சினிமாவில் முன்னணி நடிகராக வலம் வருவார் கமலஹாசன். இவர் தனக்கென்று தனி பட்டாளத்தையும் உருவாக்கி உள்ளார். கமலஹாசன் நடிப்பில் இந்தியன் 2 படம் இயக்கப் போவதாக சங்கர் அறிவித்து, அதன் பின் படப்பிடிப்பு பணிகளும் தொடங்கியது. ஆனால் பல்வேறு காரணங்களால் படப்பிடிப்பு பணிகள் நிறுத்தப்பட்டது. அதன் பிறகு ஷங்கர், கமலஹாசன் வெவ்வேறு படங்களில் தங்களின் கவனத்தை செலுத்தினர். இதனையடுத்து விக்ரம் படம் வெற்றிக்கு பிறகு ஒரு நிகழ்ச்சியில் பங்கேற்ற கமல்ஹாசன் இந்தியன் 2 நிச்சயம் தொடரும் என்று தெரிவித்தார்.
இந்த படத்துக்கு கதாநாயகியாக ஒப்பந்தம் செய்யப்பட்ட காஜல் அகர்வால் விலகி விட்டதாக கூறப்பட்டது. இதனை காஜல் அகர்வால் மறுத்து படப்பிடிப்பு செப்டம்பர் மாத தொடங்க உள்ளது என்று அவர் தெரிவித்தார். இந்த நிலையில் இந்தியன் 2 திரைப்படத்தின் படப்பிடிப்பு மீண்டும் எப்பொழுது தொடங்கும் என்ற தகவல் வெளியாகி உள்ளது. அதன்படி வருகின்ற 22ஆம் தேதி முதல் இத்திரைப்படத்தின் படப்பிடிப்பு மீண்டும் தொடங்க இருப்பதாக சொல்லப்படுகின்றது. மேலும் இதற்கான பணிகளில் படக்குழு தீவிரமாக ஈடுபட்டிருப்பதாகவும் செய்தி வெளியாகி இருக்கின்றது.