15 வயது சிறுமியை கர்ப்பமாக்கிய வாலிபர் போக்சோ சட்டத்தின் கீழ் கைது செய்யப்பட்டுள்ளார்.
பெரம்பலூர் மாவட்டத்தில் உள்ள ஆலத்தூர் தாலுகாவில் கணேசன் என்பவர் வசித்து வருகிறார். இவருக்கு டிராக்டர் டிரைவரான ராகவன்(20) என்ற மகன் உள்ளார். இவரும் 10-ஆம் வகுப்பு படிக்கும் மாணவியும் காதலித்து வந்துள்ளனர். இதனை அறிந்த பெற்றோர் காதலுக்கு எதிர்ப்பு தெரிவித்துள்ளனர். இதற்கிடையில் ராகவன் பாலியல் பலாத்காரம் செய்தால் மாணவி கர்ப்பமானார்.
இது தொடர்பாக இரு குடும்பத்தினருக்கும் இடையே தகராறு ஏற்பட்டுள்ளது. பின்னர் மாணவியின் பெற்றோர் பெரம்பலூர் அனைத்து மகளிர் காவல் நிலையத்தில் புகார் அளித்தனர். அந்த புகாரின் பேரில் போக்சோ சட்டத்தின் கீழ் வழக்கு பதிந்த போலீசார் ராகவனை கைது செய்தனர்.