கமல்ஹாசன் நடிப்பில் விஸ்வரூபம் 2 ஆம் பாகம் வெளியாகி வரவேற்பை பெற்றது. இப்போது இந்தியன் 2 ஆம் பாகத்தில் கமல் நடித்து வருகிறார். சில பிரச்சினைகளால் நிறுத்தி வைக்கப்பட்டுள்ள இந்தியன் 2 படப்பிடிப்பு விரைவில் துவங்க இருக்கிறது. இதற்கிடையில் படப்பிடிப்புக்கான ஏற்பாடுகள் மும்முரமாக நடந்து வருகிறது. கமல்ஹாசன் நடிப்பில் அண்மையில் திரைக்கு வந்து வசூல் சாதனைபடைத்த விக்ரம் படத்தின் 2ஆம் பாகமும் உருவாக இருக்கிறது. மேலும் தேவர் மகன் படத்தின் 2ஆம் பாகத்தை எடுக்கவும் திட்டமிட்டு வருவதாக கூறப்படுகிறது.
இந்தநிலையில் வேட்டையாடு விளையாடு படத்தின் 2ஆம் பாகமும் உருவாக்க இயக்குனர் கவுதம் மேனன் திட்டமிட்டுள்ளதாக கூறப்படுகிறது. இதில் வேட்டையாடு விளையாடு படத்தின் 2ம் பாகத்திற்கான திரைக் கதையை எழுதி முடித்துவிட்டதாகவும், படப்பிடிப்பை தொடங்குவதற்கான நேரத்தை எதிர்பார்த்து இருப்பதாகவும் சினிமா வட்டாரங்கள் தெரிவிக்கிறது. கவுதம் மேனன் இயக்கத்தில் வேட்டையாடு விளையாடு திரைப்படம் கடந்த 2006ல் திரைக்கு வந்து ரசிகர்கள் மத்தியில் வரவேற்பை பெற்று நல்ல வசூலும் பார்த்தது. கமல்ஹாசன் போலீஸ் அதிகாரியாக நடித்து இருந்த இந்த படத்தில் நாயகிகளாக ஜோதிகா, கமாலினி முகர்ஜி போன்றோரும், வில்லனாக டேனியல் பாலாஜியும் நடித்திருந்தனர்.