இந்தியாவில் கோதுமை ஏற்றுமதிக்கு கடந்த மே மாதம் 13-ம் தேதி தடை விதித்து வெளிநாட்டு வர்த்தக இயக்குனரகம் உத்தரவிட்டது. இதற்கிடையே, ஆகஸ்ட் மாதத்தில் கோதுமை கையிருப்பு 14 ஆண்டுகளில் இல்லாத அளவுக்கு குறைந்துள்ளது. இதன் காரணமாக இந்தியாவில் கோதுமை இறக்குமதி செய்ய மத்திய அரசு திட்டமிட்டுள்ளதாக செய்திகள் வெளியானது. இந்நிலையில், இந்தியாவில் கோதுமையை இறக்குமதி செய்யும் திட்டம் எதுவும் இல்லை என மத்திய உணவு மற்றும் பொது விநியோகத் துறை மறுத்துள்ளது.
இதுதொடர்பாக மத்திய உணவு மற்றும் பொது விநியோகத் துறை கூறுகையில், நமது உள்நாட்டுத் தேவைகளைப் பூர்த்தி செய்ய போதுமான கோதுமை கையிருப்பு நாட்டில் உள்ளது. இந்திய உணவுக் கழகம் பொது விநியோகத்திற்கான போதுமான இருப்பைக் கொண்டுள்ளது என தெரிவித்துள்ளது.