தேவாலா அட்டி- நடுகாணி செல்லும் சாலையோரத்தில் தடுப்பு சுவர் அமைக்க நடவடிக்கை எடுக்குமாறு பொதுமக்கள் கோரிக்கை விடுத்துள்ளனர்.
நீலகிரி மாவட்டத்திலுள்ள பந்தலூர் அருகே தேவாலா அட்டி வழியாக நடுகாணி உள்பட பல பகுதிகளுக்கு நெல்லியாளம் நகராட்சிக்கு சொந்தமான சாலை இருக்கின்றது. இந்தச் சாலையோரத்தில் பள்ளம் விழுந்து இதுவரை மூடப்படாமலும் தடுப்புச் சுவர் அமைக்கப்படாமலும் இருக்கின்றது. பள்ளம் விழுந்த போதே பொதுமக்கள் சீரமைக்க கோரிக்கை விடுத்தார்கள். ஆனால் நெல்லியாளம் நகராட்சி எந்த நடவடிக்கையும் எடுக்கவில்லை.
இந்நிலையில் தற்பொழுது பள்ளம் பெரிதாகி அவ்வழியாக செல்லும் வாகனங்கள் அடிக்கடி விபத்தில் சிக்கி வருகின்றது. அவசர தேவைக்காக செல்லும் ஆம்புலன்ஸ் அவ்வழியாகத்தான் செல்கின்றது. இதில் அடிக்கடி விபத்தில் சிக்குகின்றது. மேலும் பொதுமக்கள், மாணவ-மாணவிகள் நடந்து செல்லும் பொழுது தவறி பள்ளத்தில் விழுந்து காயங்கள் ஏற்படுகின்றது. இதனால் சாலையோரத்தில் இருக்கும் பள்ளம் மற்றும் சாலையை சீரமைத்து தடுப்பு சுவர் அமைக்க வேண்டும் என பொதுமக்கள் கோரிக்கை விடுத்துள்ளார்கள்.