இந்திய தேர்தல் ஆணையம் ஆனது வாக்காளர் அடையாள அட்டையை ஆதார் அட்டையுடன் இணைக்கும் முயற்சியை ஆகஸ்ட் 1முதல் பல்வேறு மாநிலங்களில் தொடங்கியுள்ளது. அதாவது வாக்காளர் பட்டியலில் வாக்காளர் பெயரை உறுதி செய்யவும், வாக்காளர் பெயர் ஒன்றுக்கும் மேற்பட்ட தொகுதியில் இடம் பெறுவதை தவிர்ப்பதற்காகவும், அதை கண்டறியவும் வாக்காளர்களின் சுய விருப்பத்தின் வேறு ஆதார் எண்ணை வாக்காளர் அட்டையுடன் இணைக்க தேர்தல் ஆணையம் அறிவுறுத்தியுள்ளது.
மேலும் வாக்காளர் அட்டையுடன், ஆதார் அட்டையை இணைப்பது வாக்காளரின் விருப்பம் என தேர்தல் ஆணையம் தெரிவித்துள்ளது. வாக்காளர் அட்டையுடன் ஆதாரை இணைப்பது கட்டாயம் என செய்தி வெளியான நிலையில், ‘வாக்காளர் அட்டையுடன் ஆதார் அட்டையை இணைக்காவிட்டாலும், வாக்காளர் பட்டியலில் இருந்து எவ்வித பதிவும் நீக்கப்படாது. வாக்காளர் அட்டையுடன் ஆதாரை இணைக்க வேண்டியது சுய ஆர்வத்தின் அடிப்படையிலானது’ என கூறியுள்ளது.