“மிஸ்கின் இயக்கத்தில் உருவாகியுள்ள பிசாசு 2″… படத்திற்கு வந்த சோதனை…!!!!!!

மிஸ்கின் இயக்கத்தில் உருவாகியுள்ள பிசாசு 2 திரைப்படத்தின் ரிலீஸ் தள்ளி வைக்கப்பட்டு இருக்கின்றது.

தமிழ் சினிமா உலகில் பிரபல பாடகியான ஆண்ட்ரியா தற்பொழுது நடிப்பிலும் அசத்தி வருகின்றார். இவர் தற்பொழுது மிஸ்கின் இயக்கத்தில் பிசாசு 2 திரைப்படத்தில் நடித்துள்ளார். சிறப்பு தோற்றத்தில் விஜய் சேதுபதி நடித்துள்ளார். மேலும் நடிகை நமீதா கிருஷ்ணமூர்த்தி முக்கிய வேடத்தில் நடித்து இருக்கின்றார்.

இத்திரைப்படத்தில் பூர்ணா, ராஜ்குமார் பிச்சுமணி ஆகியோரும் நடித்திருக்கிறார்கள். ராக்போர்ட் நிறுவனம் தயாரிக்க கார்த்திக் ராஜா இசையமைத்திருக்கிறார். அண்மையில் படத்தின் டீசர் வெளியாகி ரசிகர்களிடையே நல்ல வரவேற்பை பெற்ற நிலையில் தற்பொழுது தயாரிப்பு பணிகள் நடந்து வருகின்றது.

இத்திரைப்படம் விநாயகர் சதுர்த்தியை முன்னிட்டு வருகின்ற ஆகஸ்ட் 31 ஆம் தேதி வெளியாகும் என படக்குழுவினர் அறிவித்திருந்தார்கள். இந்த நிலையில் தற்போது இப்படம் சொன்ன தேதியில் ரிலீஸ் ஆகாது என்ற செய்தி வெளியாகி இருக்கின்றது. பட ரிலீசுக்கு ஒரு வாரமே இருக்கின்ற நிலையில் படத்துக்கான பிரமோஷன் பணிகளை படக்குழு இதுவரை தொடங்கவில்லை. இதனால் இப்படத்தின் ரிலீஸ் தள்ளி போவது கிட்டத்தட்ட உறுதியாகி இருக்கின்றது.