“5 மணி நேரம்” 34 மாணவர்கள்…. ஒரே அறையில் அடைத்து வைத்து கொடுமை…. ஸ்கூல் பீஸ் கட்டாததால் நேர்ந்த கொடூரம்….!!!!

பள்ளி மாணவர்களை ஒரே அறையில் அடைத்து வைத்த சம்பவம் பெரும் பரபரப்பை ஏற்படுத்தியுள்ளது.

ஒடிசா மாநிலம் காதிகியா என்ற பகுதியில் ஒரு தனியார் பள்ளி அமைந்துள்ளது. இந்தப் பள்ளியில் படிக்கும் 34 மாணவர்கள் கட்டணம் செலுத்தாததாக கூறப்படுகிறது. இதன் காரணமாக பள்ளி நிர்வாகம் 34 மாணவர்களையும் ஒரே வகுப்பறையில் அடைத்து வைத்துள்ளனர். இந்த மாணவர்களை 5 மணி நேரம் ஒரே அறையில் அடைத்து வைத்ததோடு, அவர்களை சாப்பிடவோ, தண்ணீர் குடிக்கவும், கழிவறைக்கு செல்லவோ அனுமதிக்கவில்லை.

அதன் பிறகு பள்ளி நிர்வாகம் மாணவர்களிடம் கட்டணம் செலுத்தாத நோட்டீசை கொடுத்து பெற்றோர்களிடம் கொடுக்குமாறு கூறியுள்ளனர். இதனையடுத்து மாணவர்கள் பள்ளியில் நடந்ததை பெற்றோர்களிடம் தெரிவிக்கவே ஆத்திரமடைந்த பெற்றோர்கள் பள்ளியில் முற்றுகையிட்டு போராட்டம் நடத்தினர். மேலும் சில பெற்றோர்கள் கூறுகையில் ஏற்கனவே தாங்கள் பள்ளி கட்டணம் செலுத்தி விட்டதாகவும், ஆனால் தொழில்நுட்ப கோளாறு காரணமாக அது காட்டவில்லை எனவும் கூறியுள்ளனர்.