ஆப்கானிஸ்தானில் பாதுகாப்பு படையினர் நடத்திய தேடுதல் வேட்டையில் 13 தாலிபான் பயங்கரவாதிகள் சுட்டுக் கொல்லப்பட்டதாக தகவல் வெளியாகியுள்ளது.
ஆப்கானில் பயங்கரவாதிகளுக்கும், அந்நாட்டு ராணுவத்தினருக்கும் இடையே அடிக்கடி தாக்குதல் நடைபெற்று வருகிறது. ஆப்கானிஸ்தானில் பல பகுதிகளை தலிபான் தீவிரவாதிகள் தங்களது கட்டுப்பாட்டில் வைத்துள்ளனர். அதன் காரணமாக அந்நாட்டு ராணுவத்தினர் தொடர்ந்து பயங்கரவாதிகள் மீது தாக்குதல்களை நடத்தி அவர்களின் பிடியில் உள்ள கிராமங்களை மீட்டு வருகின்றனர்.
அந்த வகையில், அங்குள்ள பெல்ஹம் மாகாணத்தில் இருக்கும் ஜர்-இ-குஷக் பகுதியில் பாதுகாப்பு படையினர் பயங்கரவாதிகளை தேடுதல் வேட்டையில் ஈடுபட்டு கொண்டிருந்தனர். அப்போது தாலிபான்களுக்கும், வீரர்களுக்கும் இடையே பயங்கர துப்பாக்கிச் சண்டை ஏற்பட்டது. நீண்ட நேரம் நடைபெற்ற இந்த தாக்குதலில் 13 தாலிபான்கள் கொல்லப்பட்டனர். மேலும் 10 பேர் படுகாயமடைந்தனர். தொடர்ந்து தேடுதல் வேட்டை நடைபெறுகிறது.