கடந்த 2009-ம் வருடம் ஜேம்ஸ் கேமரூன் இயக்கத்தில் வெளியாகிய அவதார் படம் மக்கள் மத்தியில் நல்ல வரவேற்பை பெற்றது. பிரம்மாண்டத்தின் உச்சத்தில் இருந்த இந்த படத்தின் காட்சிகள் ரசிகர்களை வியப்பில் ஆழ்த்தியது. இந்த படத்தின் வெற்றியை அடுத்து ஜேம்ஸ் கேமரூன் இயக்கத்தில் அவதார் 2 “அவதார்: தி வே ஆஃப் வாட்டர்” என்ற பெயரில் பெரும் பொருட்செலவில் பிரம்மாண்டமாக உருவாகி இருக்கிறது. இத்திரைப்படத்தில் ஜோசல்டனா, சாம் வோர்திங்டன், சிகோர்னி வீவர், ஸ்டீபன் லாங், கிளிஃப் கர்டிஸ் உட்பட பலர் நடித்து இருக்கின்றனர். இந்த படத்தின் படப்பிடிப்பு சென்ற வருடம் நிறைவுபெற்ற நிலையில், படக்குழு இப்போது இறுதிக்கட்ட பணியில் தீவிரம்காட்டி வருகிறது.
அவதார்-2 திரைப்படத்தில் டைட்டானிக் பட கதாநாயகி கேட் வின்ஸ்லெட் முக்கியமான கதாபாத்திரத்தில் நடித்து இருக்கிறார். இப்படம் உலகம் முழுதும் 160 மொழிகளில் டிசம்பர் 16ம் தேதி திரையரங்குகளில் வெளியாக இருக்கிறது. இந்த நிலையில் 2ம் பாகம் வெளியாவதற்கு முன்னதாக 4கே தொழில்நுட்பத்துடன் ரீமாஸ்டர் செய்யப்பட்ட அவதார்திரைப்படத்தின் முதல் பாகமானது திரையரங்குகளில் மீண்டும் வெளியாகும் என்று இயக்குனர் ஜேம்ஸ்கேமரூன் தெரிவித்து இருக்கிறார். வரும் செப்டம்பர் மாதம் 23ம் தேதி மீண்டுமாக அவதார் திரைப்படம் 4கே, 3டி, எச்.டி.ஆர் தரத்தில் வெளியாகும் என அவர் தெரிவித்துள்ளார்.
Before our next chapter begins, experience Avatar in remastered 4K 3D HDR in theaters September 23rd for a limited time. pic.twitter.com/hjSaKNFXkl
— James Cameron (@JimCameron) August 23, 2022