கோவை மாவட்டம் பொள்ளாச்சி கல்வி மாவட்டத்திற்குட்பட்ட கோட்டூர் குறுமைய அளவிலான விளையாட்டு போட்டிகள், அரசு மேல்நிலைப் பள்ளியில் நடந்தது. இந்த போட்டியில் அரசு, தனியார் பள்ளிகள் உட்பட 31 பள்ளிகளை சேர்ந்த மாணவ-மாணவிகள் பங்கேற்று தங்களது திறமையை வெளிப்படுத்தினர்.
14 வயதுக்கு உட்பட்டோருக்கான டேபிள் டென்னிஸ் போட்டியில் மாணவிகள் பிரிவில் கோட்டூர் அரசு பெண்கள் பள்ளியானது முதலிடம் பிடித்தது. இதையடுத்து மாணவர்கள் பிரிவில் ஹேண்ட் பால் போட்டியில் 14, 17, 19 வயதுக்கு உட்பட்டோருக்கான பிரிவில் கோட்டூர் அரசு ஆண்கள் மேல்நிலைப் பள்ளி முதலிடம் பிடித்தது. தற்போது நடந்து வரும் குறுமைய அளவிலான போட்டியை தொடர்ந்து வட்டார அளவிலான போட்டிகள் நடைபெறும் என்பது குறிப்பிடத்தக்கது.