தமிழ் சினிமாவில் பிரபலமான நடிகராக வலம் வரும் சியான் விக்ரம் கோப்ரா திரைப்படம் உருவாகியுள்ளது. இந்த படத்தை டிமான்டி காலனி, இமைக்கா நொடிகள் படங்களை இயக்கிய அஜய் ஞானமுத்து இயக்கியுள்ளார். இந்த படத்தில் ஸ்ரீநிதி செட்டி ஹீரோயினாக நடிக்க, ஜான் விஜய், மிருணாளினி, கனிகா, இர்பான் பதான், மியா ஜார்ஜ் உள்ளிட்டோர் முக்கிய வேடங்களில் நடித்துள்ளனர். இந்தப் படத்திற்கு ஏ.ஆர் ரகுமான் இசையமைக்க, லலித் குமார் தயாரித்துள்ளார்.
கோப்ரா திரைப்படம் ஆகஸ்ட் 11-ஆம் தேதி ரிலீஸ் ஆகுமென அறிவிக்கப்பட்டிருந்த நிலையில், சில காரணங்களால் படம் ரிலீஸ் ஆகவில்லை. இந்நிலையில் ‘கோப்ரா’ படத்தின் செய்தியாளர்கள் சந்திப்பில் செய்தியாளர் ஒருவர் கேட்ட கேள்விக்கு நடிகர் விக்ரம் சற்று கோபமடைந்தார். ‘பொன்னியின் செல்வன்’ படம்தான் உங்களின் கடைசி படம் என்று கூறப்படுவது உண்மையா என்று செய்தியாளர் விக்ரமிடம் கேட்டார். உடனே ஆரம்பத்தில் சற்று கோபமடைந்த விக்ரம். அதன்பின் கோபத்தை கட்டுப்படுத்தி சிரித்து சமாளித்தார். “அப்படி எல்லாம் கிடையாது நான் தொடர்ந்து நல்ல கதையம்சம் கொண்ட படங்களில் நடித்து கொண்டே இருப்பேன்” என்றார்.