வீட்டை கேட்டு மாமியாரை கொடுமைப்படுத்திய மருமகள்களுக்கு போலீசார் எச்சரிக்கை விடுத்தார்கள்.
கடலூர் மாவட்டத்தில் உள்ள பரங்கிப்பேட்டை சேர்ந்த வசந்தா என்பவர் சம்பவத்தன்று மாவட்ட போலீஸ் சூப்பிரண்டு அலுவலகத்திற்கு ஹலோ சீனியர் காவல் உதவி எண்ணின் மூலம் தொடர்பு கொண்டு புகார் கொடுத்தார். அதில் அவர் தெரிவித்திருப்பதாவது, தான் வசித்து வரும் வீட்டை தனது மகன் மற்றும் மருமகள்கள் இருவரும் கேட்டு தன்னை கொடுமை செய்வதாக கூறியுள்ளார்.
இதனால் இதுபற்றி உரிய விசாரணை மேற்கொண்டு நடவடிக்கை எடுக்குமாறு போலீஸ் சூப்பிரண்டு போலீசாருக்கு உத்தரவு பிறப்பித்தார். அதன் பேரில் போலீசார் சம்பவ இடத்திற்கு நேரில் சென்று விசாரணை நடத்தி மகன் கல்யாணசுந்தரம் மற்றும் மருமகள்களிடம் இனிமேல் வசந்தாவிடம் எந்த ஒரு பிரச்சனையும் செய்யக்கூடாது என எச்சரிக்கை விடுத்தார். பின் பிரச்சனையில் ஈடுபட மாட்டோம் என போலீசாரிடம் எழுதி கொடுத்தார்கள்.