நடிகர் தனுஷ் படத்தின் வசூல் விவரம் குறித்த தகவல் வெளியாகியுள்ளது.
தமிழ் சினிமாவில் பிரபலமான நடிகராக வலம் வரும் தனுஷ் பாலிவுட், கோலிவுட், ஹாலிவுட் என கலக்கி வருகிறார். இவர் நடிப்பில் சமீபத்தில் வெளியான திருச்சிற்றம்பலம் திரைப்படம் திரையரங்குகளில் ரிலீஸ் ஆகி நல்ல வரவேற்பை பெற்றுள்ளது. இந்த படத்தில் நடிகை நித்யா மேனன், பிரியாபவானி சங்கர், ராசி கண்ணா, பிரகாஷ்ராஜ், பாரதிராஜா உள்ளிட்டோர் முக்கிய வேடங்களில் நடித்துள்ளனர்.
கடந்த ஆகஸ்ட் 18-ஆம் தேதி ரிலீசான திருச்சிற்றம்பலம் திரைப்படத்தின் வசூல் விவரம் குறித்த தகவல் வெளியாகியுள்ளது. அதன்படி உலகளவில் முதல் நாளில் ரூ. 9.52 கோடியும், 2-வது நாளில் ரூ. 8.79 கோடியும் வசூல் சாதனை புரிந்துள்ளது. இந்தப் படம் முதல் வாரத்தில் மட்டும் மொத்தமாக ரூ 51.52 கோடி வசூல் செய்துள்ள நிலையில், தற்போது வரை ரூ 59.60 கோடி வசூல் செய்துள்ளதாக கூறப்பட்டுள்ளது. மேலும் திருச்சிற்றம்பலம் ரசிகர்கள் மத்தியில் நல்ல வரவேற்பை பெற்றதோடு, வசூலிலும் சாதனை படைப்பதால் தனுஷ் செம குஷியில் இருக்கிறாராம்.
