இரணியில் தக்கலை ரோட்டை சேர்ந்த சொக்கலிங்கம் பிள்ளை என்பவர் வசித்து வருகிறார். இவருடைய மகன் அஜய் குமார் கணேஷ் (50). இவர் கன்னியாகுமரியில் துணிக்கடை ஒன்று நடத்தி வருகின்றார். இவருடைய மனைவி கோவில்பட்டியில் ஆசிரியராக பணியாற்றி வருகின்றார். இதனால் அவர் அங்கேயே இரண்டு குழந்தைகளுடன் தங்கி இருக்கின்றார். இரணியலில் உள்ள வீட்டில் அஜய்குமார் கணேஷ் தனது தாயார் ராமலக்ஷ்மி மற்றும் தந்தையுடன் வசித்து வந்தார். நேற்று முன்தினம் காலையில் சொக்கலிங்கம் பிள்ளை தல குளத்தில் உள்ள உறவினர்கள் வீட்டிற்கு சென்றுள்ளார். இதனை தொடர்ந்து நேற்று அஜய் குமார் கணேஷ் பகல் 11.10 மணிக்கு தாயார் ராமலட்சுமிக்கு மாத்திரைகள் வாங்கிக் கொடுத்துவிட்டு வெளியே கிளம்பியுள்ளார்.
அதன்பின் சுமார் அரை மணி நேரத்திற்கு பிறகு மீண்டும் வீடு திரும்பிய போது அவருக்கு அதிர்ச்சி காத்திருந்தது. அதாவது வீட்டின் முன் பக்க கதவு பூட்டி கிடந்தது உடனே அவர் பதற்றத்துடன் பின்பக்க பகுதிக்கு ஓடியுள்ளார். அங்கு கதவு திறந்த நிலையில் இருந்தது உள்ளே சென்று பார்த்தபோது தாய் ராமலட்சுமி மயக்க மருந்து நிலையில் கிடந்தார். மேலும் அவருடைய கழுத்தில் கிடந்த 7 பவுன் நகையை காணவில்லை. பீரோவை சென்று பார்த்தபோது தலா ஒரு பவுன் கொண்ட ஐந்து வளையல்கள் மற்றும் ஒரு பவுன் உடைய கைச்செயின் என மொத்தம் 18 பவுன் நகைகளை கொள்ளை போய் இருந்தது. இதன்பின் தாய் ராமலட்சுமி மீது தண்ணீர் தெளித்து மயக்கத்தில் இருந்து அவர் மீட்டு உள்ளார்.
மேலும் இது பற்றி அஜய்குமார் இரணியல் போலீசில் புகார் அளித்துள்ளார் அந்த புகாரின் பேரில் இரணியல் இன்ஸ்பெக்டர் , சப் இன்ஸ்பெக்டர் மற்றும் போலீசார் சம்பவ இடத்திற்கு விரைந்து வந்து விசாரணை மேற்கொண்டனர். அதில் பரபரப்பு தகவல் வெளியாகியுள்ளது வீட்டில் அஜய்குமார் கணேஷ், சொக்கலிங்கம் பிள்ளை போன்றோர் இல்லாததை நோட்டமிட்டு மர்ம ஆசாமி வீடு புகுந்து இருக்கின்றார். அப்போது வீட்டில் இருந்த ராமலட்சுமி முகத்தை அவர் துணியால் அமுக்கி உள்ளார். இதனால் ராம லக்ஷ்மி சிறிது நேரத்தில் மயங்கி கீழே விழுந்துள்ளார் தொடர்ந்து மர்ம ஆசாமி நகைகளை கொள்ளையடித்து சென்றது விசாரணையில் தெரிய வந்திருக்கிறது. அதனால் அந்த பகுதியில் உள்ள கண்காணிப்பு கேமராவில் மர்ம ஆசாமி நடமாட்டம் பதிவாகி இருக்கிறது என போலீசார் ஆய்வு மேற்கொண்டுள்ளனர். அதேசமயம் கொள்ளை நடந்த வீட்டிற்கு தடவியல் நிபுணர்கள் வரவழைக்கப்பட்டு அங்கு பதிவாகி இருந்த கைரேகை ஆய்வு மேற்கொண்டுள்ளனர். மேலும் இது தொடர்பாக இரணியல் போலீஸர் வழக்கு பதிவு செய்து விசாரணை மேற்கொண்டு மர்ம ஆசாமி தேடி வருகின்றனர்.