பாஜக மாநில தலைவர் அண்ணாமலை செயலை பலரும் கண்டித்து வருகின்றனர். இதுகுறித்து நேற்று செய்தியாளர்களை சந்தித்து பேசிய அவர், ஒரு கன்னத்தில் அடித்தால் மறு கன்னத்தை காட்ட நான் இயேசுநாதர் கிடையாது. என்னை அடித்தால் நான் திருப்பி அடிப்பேன். நாளைய என்னுடைய தோட்டத்தில் விவசாயம் செய்து நான் பிழைத்துக் கொள்வேன். முதலமைச்சராலும், பழனிவேல் தியாகராஜனாலும் இதை செய்ய முடியுமா?,அவர்களால் செய்ய முடியாது. ஆனால் எனக்கு அந்த துணிவும் தைரியமும் இருக்கிறது என்று அவர் தெரிவித்துள்ளார். இந்நிலையில் நான் இயேசு அல்ல என்று பாஜக மாநில தலைவர் கூறியிருப்பதற்கு அமைச்சர் மனோ தங்கராஜ் பதில் தெரிவித்துள்ளார்.
இது குறித்து அவர் வெளியிட்டுள்ள ட்விட்டர் பதிவில், தமிழக பாஜக “தலைவர் அண்ணாமலை தான் இயேசுநாதர் இல்லை என்பதை கூறிவிட்டார். ஆனால் நிச்சயமாக யூதாஸ் தான் என்பது தமிழக மக்கள் அனைவரும் நன்றாக தெரியும். நான் நினைத்தால் நாளைய என்னுடைய கிராமத்திற்கு சென்று தோட்டத்தில் விவசாயம் செய்வேன் என்று அண்ணாமலை கூறியுள்ளார். பாஜகவின் சனாதனதர்ம மனு நீதி படி பார்த்தால் அண்ணாமலை குல தொழில் தான் செய்திருக்க முடியும். கல்வி உரிமை பெற்றுக் கொடுத்து அண்ணாமலையை ஐ.பி.எஸ். ஆக்கியதுதான் திராவிட இயக்கம் அரசியல் என்று அவர் தெரிவித்துள்ளார்.