தமிழ் சினிமாவில் பிரபலமான பாடகராக வலம் வந்த பம்பா பாக்கியா நேற்று இரவு உடல் நலக்குறைவால் உயிர் இழந்தார். இவருக்கு திரை உலக பிரபலங்கள் பலரும் இரங்கல் தெரிவித்துள்ளனர். இவருடைய மரணம் ரசிகர்கள் மத்தியில் பெரும் சோகத்தை ஏற்படுத்தியுள்ள நிலையில் இணையதளத்தில் அவர் பாடிய பாடல்களை நெட்டிசன்கள் பதிவிட்டு இரங்கல் தெரிவித்து வருகின்றனர். இந்நிலையில் பம்பா பாக்யா பாடிய சில பாடல்களின் தொகுப்பு குறித்து பார்க்கலாம். அதன்படி பம்பா பாக்யா ஏ.ஆர் ரகுமான் இசையில் தான் பல பாடல்களை பாடியுள்ளார். அதன்படி ஏ.ஆர் ரகுமான் இசையில் 5-க்கும் மேற்பட்ட பாடல்களை பாடியுள்ளார்.
இதனையடுத்து விக்ரமின் ராவணன் படத்தில் இடம்பெற்ற கிடா பாடல், ரஜினிகாந்த் நடிப்பில் வெளியான எந்திரன் திரைப்படத்தில் இடம்பெற்ற புள்ளினங்காள் பாடல், விஜய்யின் சர்க்கார் படத்தில் இடம்பெற்ற சிம்டாங்காரன் பாடல், பிகில் படத்தில் இடம்பெற்ற காலமே பாடல் போன்ற பல்வேறு பாடல்களை பாடியுள்ளார். அதன் பிறகு வருகிற செப்டம்பர் 30-ஆம் தேதி திரையரங்குகளில் ரிலீஸ் ஆக இருக்கும் பொன்னியின் செல்வன் திரைப்படத்தில் பொன்னி நதி என்ற பாடலையும் பாடியுள்ளார். மேலும் பிரபாஸின் பாகுபலி படத்தில் இடம்பெற்றுள்ள ஐயா வந்தாய் ஐயா பாடல், சிலுக்குவார் பட்டி சிங்கம், ராமன் ஆண்டாலும் ராவணன் ஆண்டாலும் உள்ளிட்ட பல படங்களில் பாடியுள்ளார்.