மத்தியப் பிரதேசம் சாகர் மாவட்டத்தில் 4காவலாளிகள் கொலை செய்யப்பட்ட சம்பவத்தில் 19 வயது குற்றவாளியை காவல்துறையினர் கைது செய்துள்ளனர். நேற்று கஜௌரி பகுதியில் மற்றொரு காவலாளியையும் அந்த குற்றவாளி கொலை செய்த நிலையில், சம்பவம் நடைபெற்ற இடங்களில் செல்லிடப்பேசி கோபுரங்களில் பதிவாகிய எண்களைக் கொண்டு வெள்ளிக்கிழமை நள்ளிரவு 3.30 மணிக்கு குற்றவாளி கைது செய்யப்பட்டுள்ளார். இது குறித்து காவல்துறையினர் மேற்கொண்ட விசாரணையில், அந்நபர் இதுவரையிலும் 6 காவலாளிகளைக் கொன்றுள்ளார்.
சில வருடங்களுக்கு முன் புனேவில் ஒரு காவலாளி உட்பட 6 பேரைக் கொன்றிருப்பதாகவும், பிரபலமடைய வேண்டும் என்பதற்காகதான் இது போன்று செய்ததாக அவர் கூறியதால் காவலர்கள் திகைத்து போனார்கள். மத்தியப்பிரதேச மாநிலம் சாகர் மாவட்டத்தில் 4வது காவலாளி மண்டை எலும்பு உடைந்து தீவிர சிகிச்சை பெற்று வந்த நிலையில் நேற்று பலியானார். முன்பாக கொலைக் குற்றவாளி தொடர்பாக துப்புகொடுத்தால் ரூபாய்.30 ஆயிரம் வழங்கப்படும் எனவும் காவல்துறை அறிவித்திருந்தது. கடந்த புதன் கிழமை இரவு ஒருவர் கொலைத் தாக்குதலுக்கு உள்ளாகி கவலைக்கிடமாக இருந்தார்.
இதனால் மக்கள் அனைவரும் இது சீரியல் கில்லரின் அட்டூழியமா (அல்லது) சைக்கோ கில்லரின் வேலையா என அச்சத்தில் உறைந்துபோயினர். சென்ற 2 மாதங்களில் மட்டும் அம்மாவட்டத்தில் 4 காவலாளிகள் கொலை செய்யப்பட்டிருப்பதாக தகவல் வெளியாகியது. இது தொடர்பாக காவலர்கள் கூறியதாவது, கட்டிடத்துக்கு வெளியே உறங்குபவர்கள்தான் கொலையாளியின் குறியாக இருக்கிறார்கள். முதல் காவலாளி, தொழிற்சாலைக்கு வெளியே உறங்கிக்கொண்டிருந்த போது சுத்தியால் அடித்துக் கொலை செய்யப்பட்டுள்ளார்.
2வது சம்பவம் கல்லூரி வாயிலில் பணியிலிருந்த காவலாளியை மிகப் பெரிய கல்லைக் கொண்டு தாக்கிக் கொலை செய்யப்பட்டார். சென்ற புதன்கிழமை இரவு மற்றொரு காவலாளி மீதும் கொலை வெறித் தாக்குதல் நடத்தப்பட்டுள்ளது. மண்டை ஓடு உடைந்து கவலைக் கிடமான நிலையில் சிகிச்சை பெற்று வந்த நிலையில் அவரும் பலியானார். இதற்கு முன் கடந்த மேமாதம் மக்ரோனியா ரயில் நிலைய மேம்பாலத்துக்குக் கீழே உறங்கிக்கொண்டிருந்த மற்றொரு காவலாளி படுகொலை செய்யப்பட்டார். இது பற்றி காவலர்கள் வழக்குப்பதிவு செய்து செல்லிடப்பேசி பதிவைக்கொண்டு கொலையாளியை கைது செய்துள்ளனர்.