வெந்து தணிந்தது காடு படத்தின் இசை வெளியீட்டு விழா நேற்று சென்னையில் கோலாகலமாக நடைபெற்றுள்ளது. வேல்ஸ் பிலிம் நிறுவனம் சார்பாக ஐசரி கணேஷ் தயாரித்துள்ள இந்த படத்தின் வெளியிட்டு உரிமையை உதயநிதி ஸ்டாலின் ரெட் ஜெயன்ட் மூவிஸ் கைப்பற்றியுள்ளது. சிம்பு ஹெலிகாப்டரில் நிகழ்ச்சி நடக்கும் அரங்கிற்கு வந்தது அதிக கவனத்தை பெற்றுள்ளது. அது மட்டுமல்லாமல் இந்த நிகழ்ச்சியில் பேசிய சிம்பு எல்லாரும் எனக்கு attitude என்று தான் சொல்வார்கள் ஆனால் எனக்கு எப்போதும் attitude இருந்ததில்லை. அதற்கு பதில் gratitude இருக்கிறது. உங்களுக்கு நல்லது செய்தவர்களுக்கு நன்றியுடன் இருங்கள் என தன்னடக்கத்துடன் பேசி ரசிகர்களின் கைதட்டல்களை வாங்கியுள்ளார். இதெல்லாம் ஒரு பக்கம் இருக்க படத்தின் டிரைலரும் நேற்று வெளியாகியுள்ளது.
அதில் பின்னணியில் படத்தின் இயக்குனர் கௌதம் வாசுதேவ் மேனன் பேசி இருக்கின்றார். அதற்கு சிம்பு ரசிகர்கள் அதிருப்தி தெரிவித்து வருகின்றார்கள். மேலும் படத்திற்கு உள்ளே தான் கௌதம் குரல் வழக்கமாக வரும் நிலையில் தற்போது சிம்பு குரலில் வராமல் அவர் குரலிலேயே வருவதால் ரசிகர்கள் அவரை மிம்ஸ் போட்டு கலாய்த்து வருகின்றார்கள். அதுமட்டுமில்லாமல் தனுஷ் நடிப்பில் கௌதம் வாசுதேவ் மேனன் இயக்கிய என்னை நோக்கி பாயும் தோட்டாவில் கூட தனுஷ் தான் ட்ரைலர் பின்னணி பேசி இருப்பார். அதனால் சிம்பு ரசிகர்கள் இதை குறிப்பிட்டு கேள்வி எழுப்பி வருகின்றார்கள். இந்த நிலையில் வெந்து தணிந்தது காடு படம் இரண்டு பாகங்களாக வெளியாக இருப்பதாக ட்ரெய்லரில் குறிப்பிடப்பட்டிருக்கிறது. மேலும் சிம்பு மூன்று வித கெட்டப்புகளில் தோற்றமளிக்கின்றார். இந்த படம் வரும் செப்டம்பர் 15ஆம் தேதி திரையரங்குகளில் வெளியாக இருக்கின்றது.