ஆட்டோ சாலையில் கவிழ்ந்த விபத்தில் ஓட்டுநர் உடல் நசுங்சி பலியான சம்பவம் சோகத்தை ஏற்படுத்தியுள்ளது.
திருச்சி மாவட்டத்திலுள்ள காஜா பேட்டை பகுதியில் சுப்பிரமணியன் என்பவர் வசித்து வருகிறார். இவருக்கு குமரவேல்(37) என்ற மகன் இருந்துள்ளார். இவர் சொந்தமாக ஆட்டோ ஓட்டி வந்துள்ளார். நேற்று முன்தினம் குமரவேல் நத்தமாடிப்பட்டி பகுதிக்கு சவாரிக்கு சென்று விட்டு மீண்டும் வீட்டிற்கு வந்து கொண்டிருந்தார். இந்நிலையில் நத்தமாடிப்பட்டி வளைவில் திரும்பிய போது சாலையின் குறுக்கே வந்த நாய் மீது மோதாமல் இருப்பதற்காக குமரவேல் பிரேக் பிடித்துள்ளார்.
இதனால் கட்டுப்பாட்டை இழந்த ஆட்டோ சாலையில் கவிழ்ந்ததால் உடல் நசுங்கி குமரவேல் சம்பவ இடத்திலேயே பரிதாபமாக உயிரிழந்தார். இதுகுறித்து அறிந்த போலீசார் சம்பவ இடத்திற்கு விரைந்து சென்று வாலிபரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து வழக்கு பதிவு செய்த போலீசார் விசாரணை மேற்கொண்டு வருகின்றனர்.