துபாயில் நேற்று ஆசிய கோப்பை டி20 இதில் சூப்பர் 4 போட்டி நடைபெற்றது. இதில், இந்தியா பாகிஸ்தான் அணிகள் மோதியது. டாஸ் வென்ற பாகிஸ்தான் அணி பந்து வீச முடிவு செய்தது. அதனைத் தொடர்ந்து முதலில் பேட்டிங் செய்த இந்திய அணியின் கேப்டன் ரோகித் சர்மா 16 பந்துகளை எதிர்கொண்டு 3 பவுண்டரி, 2 சிக்ஸருடன் 28 ரன்கள் சேர்த்தார். அத்துடன் டி20 போட்டிகளின் வரலாற்றில் அதிக ரன்கள் எடுத்தவர் என்ற புதிய சாதனை படைத்தார். மற்றொரு துவக்க வீரரான கே.எல்.ராகுலும் 28 ரன்கள் விளாசினார். 3 வது வீரராக களம் இறங்கிய வீராட் கோலி அதிரடியாக ஆடி 60 ரன்கள் குவித்தார்.
அதனை தொடர்ந்து சூரியக்குமார் யாதவ் 13, ரிஷிப் பண்ட்16, தீபக் ஹுடா 16 ரன்கள் எடுத்து ஆட்டம் இழந்தனர். இதனையடுத்து நிர்ணயிக்கப்பட்ட 20 ஓவர் முடிவில் இந்தியா 7 விக்கெட் இழப்பிற்கு 181 ரன்கள் குவித்தது. அதனை தொடர்ந்து 180 ரன்கள் எடுத்தால் வெற்றி என்ற இலக்குடன் பிறகு விளையாடிய பாகிஸ்தான் அணி தொடக்க விரர் முகமது நவாஸ் 42 அடித்தார். அதன் பிறகு பாபர் 14 ரன்னும், சமான் 15 ரன்னும் அடித்தனர். இறுதியாக பாகிஸ்தான் அணி 19.5 ஓவர்கள் முடிவில் 182 ரன்கள் எடுத்து, அந்த அணி 5 விக்கெட் வித்தியாசத்தில் வெற்றி பெற்றது.