கீழ்பென்னாத்தூரில் தமிழக ஆரம்ப பள்ளி ஆசிரியர் கூட்டணியின் வட்டார செயற்குழு கூட்டம் நடைபெற்றது.
திருவண்ணாமலை மாவட்டத்தில் உள்ள கீழ்பென்னாத்தூர் மேற்கு தொடர்ச்சி பள்ளியில் தமிழக ஆரம்ப பள்ளி ஆசிரியர் கூட்டணியின் வட்டார செயற்குழு கூட்டம் தலைவர் திலகம் தலைமையில் நடைபெற்றது. மேலும் இக்கூட்டத்திற்கு துணைத்தலைவர் முன்னிலை வகிக்க பொருளாளர் வரவேற்றார். இதன்பின் செயலாளர் குமார் அறிக்கை வாசித்து சமர்ப்பித்தார்.
இதையடுத்து சிறப்பு விருந்தினராக மாநில துணை பொதுச்செயலாளர் சி.ஆர்.முருகன் பங்கேற்று சிறப்புரை வழங்கினார். அப்பொழுது சென்னையில் வருகின்ற 10-ம் தேதி முதல் முதலமைச்சர் மு.க.ஸ்டாலின் பங்கேற்கும் ஜேக்டோ-ஜியோ மாநில மாநாட்டிற்கு கீழ்பென்னாத்தூர் ஒன்றியத்திலிருந்து 100 பேருக்கு குறையாமல் பங்கேற்க வேண்டும் என தீர்மானம் நிறைவேற்றப்பட்டது.