நடிகர் விஜய் குறித்து மதுரை முத்துக்காளை பேசியுள்ளார்.
தமிழ் சினிமா உலகில் உச்ச நட்சத்திரமாக வலம் வருகின்றார் விஜய். இவர் தற்பொழுது வம்சி இயக்கத்தில் வாரிசு திரைப்படத்தில் நடித்து வருகின்றார். இத்திரைப்படத்தை தொடர்ந்து லோகேஷ் கனகராஜ் இயக்கத்தில் தளபதி 67 திரைப்படத்தில் நடிக்க இருக்கின்றார். வாரிசு திரைப்படம் அடுத்த வருட பொங்கலுக்கு ரிலீசாக உள்ள நிலையில் தளபதி 67 படபிடிப்பானது டிசம்பர் மாதம் தொடங்க இருக்கின்றது.
இந்த நிலையில் பிரபல காமெடி நடிகரான மதுரை முத்துகாளை விஜய் குறித்து பேசி உள்ளார். கவுண்டமணி, வடிவேலு, விவேக் என பல முன்னணி காமெடி நடிகர்களுடன் இணைந்து பிரபல நகைச்சுவை நடிகராக வலம் வருபவர் மதுரை முத்துக்காளை. இவர் அண்மையில் அளித்த பேட்டி ஒன்றில் நடிகர் விஜய் குறித்து பேசி உள்ளார். அவர் பேசியதாவது, விஜய்யின் இந்த வளர்ச்சிக்கு அவரின் கடின உழைப்பே காரணம். அவர் தன் தந்தையால் சினிமாவிற்கு வந்தார் என சில விமர்சனங்கள் இருந்தாலும் அவரின் திறமையாலும் உழைப்பாலும் தான் இந்த நிலைக்கு வந்திருக்கின்றார். விஜய் படப்பிடிப்பு தளத்தில் எப்போதுமே அமைதியாக தான் இருப்பார். வசனம், நடனம், சண்டை காட்சிகள் என அனைத்தையும் உன்னிப்பாக கவனித்து ஒரே சாட்டில் அசத்தி விடுவார். அவர் தன் மனதிற்குள் காட்சிகளை ரிகர்சல் செய்வதால் தான் அமைதியாக இருக்கின்றார் என நினைக்கிறேன் எனக் கூறியுள்ளார்.