முதுநிலை ஆசிரியர் பணியிடங்களுக்கான தகுதி பட்டியல் வெளியிடப்பட்டுள்ளது.
தமிழகத்தில் உள்ள அரசு பள்ளிகளில் 3236 முதுநிலை ஆசிரியர் பணியிடங்கள் காலியாக உள்ளது. இந்த காலி பணியிடங்களை நிரப்பற்காக தற்காலிக ஆசிரியர்களை தேர்வு செய்யும் பணியை தேர்வு வாரியம் மேற்கொண்டது. இதற்கான கணினி வழி தேர்வுகள் கடந்த பிப்ரவரி மாதம் நடைபெற்றது. இந்த தேர்வு முடிவுகள் கடந்த ஜூலை மாதம் 4-ம் தேதி வெளியிடப்பட்ட நிலையில், 17 பாடங்களுக்கான சான்றிதழ் சரிபார்ப்பு செப்டம்பர் 2 முதல் 4 வரை நடைபெற்றது.
இந்நிலையில் தற்காலிக ஆசிரியர் பணிக்கான தேர்வை சுமார் 2 லட்சம் பேர் எழுதிய நிலையில், வரலாறு, இயற்பியல், புவியியல் போன்ற பாடங்களில் தேர்ச்சி பெற்ற 341 பட்டதாரிகளின் பட்டியல் வெளியிடப்பட்டுள்ளது. இதனையடுத்து தேர்ச்சி பெற்றவர்களின் விவரங்களை trb.tn.nic.in என்ற இணையதளத்தில் பார்த்து கொள்ளலாம். மேலும் மீதமுள்ள பாடங்களில் தேர்ச்சி பெற்றவர்களின் விவரம் கூடிய விரைவில் வெளியிடப்படும் என தேர்வு வாரிய அதிகாரிகள் கூறியுள்ளனர்.