தமிழ் சினிமாவில் முன்னணி நடிகராக வலம் வருபவர் நடிகர் விஜய். இவரின் திரைப்படங்களை ரசிகர்கள் திருவிழாவாக கொண்டாடி வருகின்றனர். அந்த அளவிற்கு உச்ச நட்சத்திரமாக விளங்குகிறார். வருடத்திற்கு 1 அல்லது 2 படங்களில் மட்டுமே நடித்து வருவார். சமீபத்தில் இவரது நடிப்பில் வெளியான பீஸ்ட் திரைப்படம் அந்த அளவுக்கு வரவேற்பை பெறவில்லை. இதைத்தொடர்ந்து தெலுங்கு இயக்குனர் வம்சியுடன் இணைந்து வாரிசு என்ற திரைப்படத்தில் நடித்து வருகிறார்.
இந்த திரைப்படத்தை முடித்துவிட்டு லோகேஷ் உடன் இணையுள்ளதாக தகவல் வெளியான நிலையில் தற்போது சூப்பர் குட் பிலிம்ஸ் தயாரிக்கும் நூறாவது படத்தில் விஜய் நடிக்கிறார் என்று தனியார் ஓடிடி நடத்திய விழாவில் தயாரிப்பாளர் ஆர் பி சவுத்திரியின் மகனும், நடிகருமான ஜீவா அறிவித்துள்ளார். விஜய் நடிக்க உள்ள இந்த திரைப்படம் ஆக்ஷன்க்கு இணையாக காதலும் இருக்கும். படத்திற்கான கதை முன்னணி இயக்குனரிடம் கேட்டு வருவதாகவும், வாரிசு, லோகேஷ் படம் முடிந்த பிறகு இந்த படம் தொடர்பான அறிவிப்பு வெளியாகும் என்று தெரிவித்துள்ளனர். இதனால் ரசிகர்கள் மிகுந்த மகிழ்ச்சியில் உள்ளனர்.