சூப்பர் ஸ்டார் ரஜினிகாந்த் தற்போது நெல்சன் இயக்கத்தில் ஜெய்லர் என்ற திரைப்படத்தில் நடித்து வருகிறார். இந்த படத்தில் ரம்யா கிருஷ்ணன், வசந்த் ரவி, யோகி பாபு உள்ளிட்டோர் முக்கிய வேடங்களில் நடிக்கின்றனர். ரஜினி நடிப்பில் சமீபத்தில் வெளியான அண்ணாத்த திரைப்படம் நல்ல வரவேற்பை பெற்ற நிலையில், நெல்சன் கூட்டணியில் ரஜினி நடிக்கும் ஜெய்லர் திரைப் படத்திற்கு ரசிகர்கள் மத்தியில் பலத்த எதிர்பார்ப்பு ஏற்பட்டுள்ளது.
ஏனெனில் நடிகர் ரஜினி நடிக்கும் ஆக்சன் படங்களை விரும்பும் ரசிகர்கள் அவருடைய காமெடி படங்களையும் அதிக அளவில் விரும்புகின்றனர். இந்நிலையில் நெல்சன் திலீப்குமார் காமெடி காட்சிகளை இயக்குவதில் வல்லவர் என்பதால் ஜெயிலர் திரைப்படத்தில் நகைச்சுவை தூக்கலாகவே இருக்கும் என்று எதிர்பார்க்கப்படுகிறது. இதனையடுத்து நடிகர் ரஜினியின் ஜெய்லர் படத்தில் நடிக்கும் வில்லன் கதாபாத்திரம் குறித்த தகவல் வெளியாகியுள்ளது.
அதாவது சுப்பிரமணியபுரம், ராஜா ராணி உள்ளிட்ட பல படங்களில் நடித்த ஜெய் ரஜினிக்கு வில்லனாக நடிக்க போவதாக தற்போது ஒரு தகவல் வெளியாகியுள்ளது. நடிகர் ஜெய் ரஜினிக்கு வில்லனாக நடிக்கிறார் என்ற தகவல் கோலிவுட் வட்டாரத்தில் மிகப்பெரிய ஆச்சரியத்தை ஏற்படுத்தியுள்ளது. மேலும் நடிகர் ஜெய் ஜெய்லர் படத்தில் நடிப்பது குறித்த அதிகாரப்பூர்வ தகவல் எதுவும் வெளியாகவில்லை என்பது குறிப்பிடத்தக்கதாகும்.