தமிழகத்தில் முக்கிய தலைவர்களின் பிறந்த நாளை முன்னிட்டு பள்ளி கல்லூரி மாணவர்களுக்கு கட்டுரை போட்டிகள், பேச்சுப் போட்டிகள், ஓவியம் மற்றும் விளையாட்டுப் போட்டிகள் நடத்தப்படுகின்றது.அவ்வகையில் கடந்த வருடம் காந்தி ஜெயந்தி முன்னிட்டு தமிழ் வளர்ச்சித் துறை சார்பாக பள்ளி கல்லூரி மாணவர்களுக்கு கட்டுரை போட்டி மற்றும் பேச்சுப் போட்டி நடத்தப்பட்டது.
அதில் பங்கேற்று வெற்றி பெற்ற மாணவர்களுக்கு பரிசு தொகையும் வழங்கப்பட்ட நிலையில் கடந்த வருடத்தை போலஇந்த வருடமும் தமிழ் வளர்ச்சி துறை சார்பாக பேரறிஞர் அண்ணா மற்றும் தந்தை பெரியார் ஆகியோரின் பிறந்த நாளை முன்னிட்டு பள்ளி கல்லூரி மாணவர்களுக்கு பேச்சுப்போட்டி நடத்தப்படுகிறது.
இந்த போட்டி வருகின்ற செப்டம்பர் 15 மற்றும் 17 ஆகிய இரண்டு நாட்களும் சென்னையில் நடைபெறும் என அறிவிக்கப்பட்டுள்ளது.இதில் வெற்றி பெறுபவர்களுக்கு முதல் பரிசாக ஐந்தாயிரம் ரூபாயும், இரண்டாம் பரிசாக 3000 ரூபாயும், மூன்றாம் பரிசாக 2000 ரூபாயும் வழங்கப்படும்.அது மட்டுமல்லாமல் அரசு பள்ளி மாணவர்களுக்கு மட்டும் சிறப்பு பரிசாக இரண்டு பேருக்கு தலா 2000 வழங்கப்படும் என அரசு அறிவித்துள்ளது.