தமிழ் சினிமாவில் உச்ச நட்சத்திரமாக ஜொலிக்கும் நடிகர் சூர்யா நடிப்பில் சமீபத்தில் எதற்கும் துணிந்தவன் திரைப்படம் ரிலீஸ் ஆனது. இந்த படத்தை இயக்குனர் பாண்டிராஜ் இயக்கியிருந்தார். இந்த படம் பொள்ளாச்சி சம்பவத்தை மையமாகக் கொண்டு எடுக்கப்பட்டிருந்தது. இந்த படம் விமர்சன ரீதியாக வரவேற்பு பெற்றாலும், வசூல் ரீதியாக எதிர்பார்த்த வெற்றி பெறவில்லை. இந்நிலையில் இயக்குனர் பாண்டிராஜ் சித்ரா ராமகிருஷ்ணனுடன் ஒரு நேர்காணல் நிகழ்ச்சியில் கலந்து கொண்டார். அப்போது எதற்கும் துணிந்தவன் திரைப்படத்தின் வசூல் குறித்து பேசினார். அவர் படம் பெரிய அளவில் வசூலாகவில்லை.
சூர்யா சார் கூட மீண்டும் இணைந்து படம் எடுங்கள் என்று தயாரிப்பாளர்கள் கூறுகிறார்கள். எந்த மாதிரியான படத்தை எடுக்கலாம் என்று கேட்டால் உங்களுக்கு தெரிந்ததை செய்யுங்கள் என்கிறார்கள். ஃபேமிலி சப்ஜெக்ட் படம் எடுக்கலாம் என்றால் அதை வேண்டாம் என்கிறார்கள். இனி எமோஷனல் எல்லாம் வேலைக்கு ஆகாது. திருச்சிற்றம்பலம் மாதிரி தான் படம் எடுக்க வேண்டும். படிச்சு படிச்சு தான் படங்களை எடுக்க வேண்டியதாக இருக்கிறது என்றார். மேலும் நடிகர்கள் தனுஷ் நடிப்பில் சமீபத்தில் வெளியான திருச்சிற்றம்பலம் திரைப்படம் வசூல் ரீதியாகவும் விமர்சன ரீதியாகவும் நல்ல வரவேற்பை பெற்று திரையரங்குகளில் வெற்றிகரமாக ஓடிக் கொண்டிருக்கிறது என்பது குறிப்பிடத்தக்கதாகவும்.