சென்னை மெரினாவில் கருணாநிதி நினைவிடம் அருகே கடலில் பேனா சிலை அமைக்க மத்திய அரசு முதல் கட்ட அனுமதி வழங்கியுள்ளது. பொதுமக்கள் கருத்து கேட்டு மாசு கட்டுப்பாட்டு வாரியம்,சுற்றுச்சூழல் அனுமதியை பெற்று அடுத்த கட்ட பணியை தொடங்கலாம் என மத்திய அரசு அனுமதி அளித்துள்ளதால் திமுகவினர் குஷி ஆகியுள்ளனர்.
80 கோடி ரூபாய் செலவில் 360 மீட்டர் உயரத்தில் கடலில் பாலம் போன்று கட்டமைத்து பேனா வடிவில் சிலை அமைக்க தமிழக அரசு திட்டமிட்டுள்ளது.கருணாநிதி நினைவிடத்தின் பின் பகுதியில் பெரிய கேட் அமைத்து அதன் வழியாக மக்கள் கடல் மேல் நடந்து சென்று பேனா வடிவ நினைவு சின்னத்தை பார்க்கும் வகையில் பாலம் அமைக்கப்பட இருப்பதாகவும் கூறப்படுகிறது.